اللي تبغى شعرها مثل البــــــــاروكة تعالــــــــي هنــــــــا

السلام عليكم ورحمة الله وبركاته

بسم الله الرحمن الرحيم وبه نستعين



شوفو يا بنات اليوم وجيل البي بي والاي فون والواتس اللي تقرف لا تقرب هنا 

الخلطة سهلة و مكوناتها تلاقيها في كل البيوت وحتى الابسط ناس تلاقينها عندهم وغير مكلفة

المكونات 


تاخذين راسين كبار ثوم تفصفصينها وتقشرينها وتهرسيها هرس ثم تاخذين شاش ناعم وتصفينها 
باختصار تحتاجين عصير الثوم الموية حقها بس وتحطينها في قارورة وتاخذين كاستين شاي زيت 
زيتون و اللي عندها قطران مغربي تضيف ملعقتين كبار وتقفلي القارورة وترجيها رج الين تقول بس
مرة بالاسبوع تاخذي فرشة وتتمشطي شعرك وبعدها تسوي مساج تحركي الدم في فروة راسك
وتاخذي الكمية اللي تكفيك وقطعة قطن وتدهني فرو راسك كويس وبعدها مساج خفيف وتغطي راسك
بقبعة نايلون مدة 3 ساعات وتروحي ياحلوة تستحمي والله يعينك على الريحة والحوسة بس مافيه حلوة
من غير تعب بتذن الله تعالى تكرريها مرة بالاسبوع وباقي ايام الاسبوع قبل تستحمي بساعة تحطي زيت
زيتون لشعرك ولا تحطي اي شي اي شي من غير هذه الوصفة امشي عليها وباذن الله باذن الله بعد 7 الى 8
شهور تلاقي شعرك ضعف اللي كان اول طول وكثافة 
هذه وصفة جارتي ماشاء الله لو شفتو شعرها وشعر بنتها
والله اتحدى اذا حتى اللي تقرف راح تسويها وهي متحمسة وتقول محلالالاها ريحة 

اذا نشجع بعض نسويها ونخبر بعضنا باخر النتايج بس نمشي على الخلطة وحدها بدون تخبيص 


لا تنسوني من دعواتكم الطيبة ولكم مثلها باذن الله تعالى 


وحتى اللي ما عجبتها الخلطة تدعي لي 

عصير راسين ثوم
كاستين زيت زيتون
ملعقتين كبار قطران مغربي
تحطي الكل في قارورة وترجينها رج رج